Respýblıkalyq joldarǵa qatysty ótinimdi kóp beretin óńirler ataldy
ASTANA. KAZINFORM — Respýblıkalyq joldarǵa qatysty eń kóp habarlamalar Aqmola, Jambyl jáne Qyzylorda oblystarynan kelip tústi, dep habarlaıdy «QazAvtoJol» UK baspasóz qyzmeti.
2025 jylǵy 14-20 sáýir aralyǵynda 1403 baılanys ortalyǵynyń operatorlary respýblıkalyq joldarǵa qatysty 9 myńǵa jýyq ótinimdi qabyldap, óńdedi.
Baılanys ortalyǵynyń bazasynda azamattarǵa qolaıly ári jedel aqparat berý úshin ınteraktıvti daýystyq menıý (IVR) júıesi iske qosyldy. Osy júıeniń kómegimen 1 716 ótinim operatorlardyń qatysýynsyz avtomatty túrde óńdelse, operatorlar 6 646 qońyraýǵa jaýap berdi.
— Respýblıkalyq joldarǵa qatysty eń kóp habarlamalar Aqmola, Jambyl jáne Qyzylorda oblystarynan kelip tústi. Barlyq ótinimder reglamentke sáıkes ýaqtyly oryndaldy. «QazAvtoJol» ulttyq kompanııasy paıdalanýshylarǵa birneshe baılanys arnalaryn usynady: 1403 baılanys ortalyǵy; www.qaj.kz resmı ınternet-resýrsy; Telegram bot (@qazavtojolbot, @CallCenterQaj_bot) jáne WhatsApp messendjeri (+7 775 001 1403), — delingen kompanııa taratqan aqparatta.
Buǵan deıin «QazAvtoJol» 2025 jyly jóndeýden ótetin respýblıkalyq joldardy atady.