Respýblıkalyq joldarǵa qatysty eń kóp habarlama qaı óńirlerden túsedi
ASTANA. KAZINFORM — Ótken aptada 1403 baılanys ortalyǵy 17 myńǵa jýyq ótinimdi óńdedi, dep habarlaıdy «QazAvtoJol» ulttyq kompanııasy.
Kompanııa azamattarǵa qolaıly ári jedel aqparat berý úshin ınteraktıvti daýystyq menıý (IVR) júıesi iske qosylǵanyn málimdedi.
— Osy júıeniń kómegimen 2 755 ótinim operatorlardyń qatysýynsyz avtomatty túrde óńdelse, operatorlar 12 897 qońyraýǵa jaýap berdi. Sondaı-aq, messendjerler arqyly 1 147 azamattardyń ótinimderi qabyldandy. Respýblıkalyq joldarǵa qatysty eń kóp habarlamalar Aqmola, Qaraǵandy jáne Túrkistan oblystarynan kelip tústi. Barlyq ótinimder reglamentke sáıkes ýaqtyly oryndaldy, — delingen habarlamada.
«QazAvtoJol» ulttyq kompanııasy paıdalanýshylarǵa birneshe baılanys arnalaryn usynady:
— 1403 baılanys ortalyǵy;
— www.qaj.kz resmı ınternet-resýrsy;
— Telegram bot (@qazavtojolbot, @CallCenterQaj_bot) jáne WhatsApp messendjeri (+7 778 001 1403).
Budan buryn «QazAvtoJol» ulttyq kompanııasy eldegi avtojoldardyń qazirgi jaǵdaıy týraly málimet usyndy.