Respýblıkalyq joldardaǵy jol-kólik oqıǵalary 9%-ǵa azaıdy

ASTANA. KAZINFORM — Bıyl on aıda respýblıkalyq mańyzy bar avtomobıl joldarynda 2 618 jol-kólik oqıǵasy tirkeldi. Bul ótken jyldyń sáıkes kezeńimen salystyrǵanda 9 paıyzǵa az.

s
Foto: Kazinform

Bul týraly «QazAvtoJol» UK» AQ basqarma tóraǵasy Darhan Imanashev Ortalyq kommýnıkatsııalar qyzmetinde ótken brıfıngte málimdedi.

Kompanııa deregine sáıkes, byltyr osy kezeńde respýblıkalyq joldarda 2 889 jol-kólik oqıǵasy bolǵan. Bıyl bul kórsetkish 2 618-ge deıin tómendegen.

Osy ýaqytta joldardaǵy kólik qozǵalysynyń qarqyndylyǵy kerisinshe artqan. Respýblıkalyq avtojoldardaǵy kólik aǵyny 33 paıyzǵa, al aqyly joldarda 38 paıyzǵa kóbeıgen.

— Kólik qozǵalysy aıtarlyqtaı artqanyna qaramastan, jol-kólik oqıǵalarynyń sany azaıyp otyr. Bul — jol qaýipsizdigin qamtamasyz etý baǵytynda atqarylyp jatqan jumystardyń mańyzdy nátıjeleriniń biri, — dedi Darhan Imanashev.

Aıta keteıik, kompanııa jol qaýipsizdigin arttyrý úshin beınebaqylaý júıelerin, elektrondyq jol belgilerin jáne júrgizýshilerge jedel aqparat beretin tsıfrlyq quraldardy engizip jatyr.

Buǵan deıin QazAvtoJol boranǵa deıin 3-4 saǵat buryn qozǵalysty shekteýdi josparlaıtyny jóninde jazǵan edik.