Respýblıkalyq joldarda mal ótkelderiniń sany 530-ǵa jetti

ASTANA. KAZINFORM – Respýblıkalyq mańyzy bar avtomobıl joldarynda janýarlardyń qaýipsiz ótýine arnalǵan 530 arnaıy ótkel salyndy. Sonymen qatar jol boıyndaǵy qorǵanysh qorshaýlardyń uzyndyǵy sońǵy úsh jylda tórt ese artty. Bul týraly «QazAvtoJol» UK» AQ basqarma tóraǵasy Darhan Imanashev Ortalyq kommýnıkatsııalar qyzmetinde ótken brıfıngide málimdedi.

jer daýy, aýyl sharýashylyǵy, mal sharýashylyǵy, jaıylym
Kollaj: Kazinform/ Nano Banana

Onyń aıtýynsha, qaraýsyz júrgen maldyń jolǵa shyǵyp ketýi, ásirese túnde jáne kóriný qashyqtyǵy tómendegen kezde, jol-kólik oqıǵalaryna sebep bolýy múmkin. Osy qaýiptiń aldyn alý úshin respýblıkalyq trassalarda arnaıy qorshaýlar ornatylyp jatyr.

2023 jyly mundaı qorshaýlardyń uzyndyǵy 752 shaqyrym bolsa, qazir 3 002 shaqyrymǵa jetken.

— Avtomobıl joldarynyń mańynda maldy qaraýsyz jaıýǵa bolmaıdy. Janýarlardy joldan ótkizgende arnaıy salynǵan ótkelderdi paıdalaný qajet. Jol qaýipsizdigi tek jol qyzmetterine emes, árbir júrgizýshi men mal ıesine de baılanysty, — dedi Darhan Imanashev.

Óz kezeginde kompanııa júrgizýshilerdi jol belgilerine nazar aýdaryp, ásirese qarańǵy ýaqytta jyldamdyqty saqtaýǵa shaqyrady.

Buǵan deıin Qazaqstanda qar basý qaýpi bar joldar 400 shaqyrymǵa qysqarǵany týraly jazǵan edik.