Respýblıkalyq joldar boıynda 26 jańa qyzmet kórsetý orny ashyldy
ASTANA. KAZINFORM — Bıyl respýblıkalyq mańyzy bar avtomobıl joldarynyń boıynda 26 jańa qyzmet kórsetý nysany paıdalanýǵa berildi. Onyń 22-si — janarmaı quıý beketi, tórteýi — tamaqtaný orny.
Bul týraly «QazAvtoJol» UK» AQ basqarma tóraǵasy Darhan Imanashev Ortalyq kommýnıkatsııalar qyzmetinde ótken brıfıngte málimdedi.
Onyń aıtýynsha, qazir elimizdiń respýblıkalyq avtojoldary boıynda barlyǵy 1 429 qyzmet kórsetý nysany jumys isteıdi.
— Jol boıyndaǵy mundaı oryndar júrgizýshiler men jolaýshylar úshin, ásirese qys mezgilinde mańyzdy. Qatty boran nemese aıaz kezinde olar qaýipsiz jerge toqtap, jylynyp, demala alady. Qozǵalysqa ýaqytsha shekteý qoıylǵan jaǵdaıda da jol ashylǵansha osyndaı nysandardy panalaýǵa múmkindik bar, — dedi ol.
Aıta ketý kerek, jol boıyndaǵy qyzmet kórsetý oryndaryn kóbeıtý jolaýshylarǵa qolaıly jaǵdaı jasap qana qoımaı, qolaısyz aýa raıynda olardyń qaýipsizdigin qamtamasyz etýge de baǵyttalǵan.
Buǵan deıin Astana — Temirtaý jolynda 162 júrgizýshige jedel kómek kórsetilgeni týraly jazǵan edik.