Respýblıkalyq jáne oblystyq mańyzy bar joldar mobıldi baılanyspen qamtylady

ASTANA. KAZINFORM – Eki jylda respýblıkalyq jáne oblystyq mańyzy bar 40 myń shaqyrym jol mobıldi baılanyspen qamtylady. Bul týraly búgin Úkimet otyrysynda Premer-mınıstrdiń orynbasary – Jasandy ıntellekt jáne tsıfrlyq damý mınıstri Jaslan Mádıev aıtty.

- 5G jelisi oblystyq jáne respýblıkalyq mańyzy bar 20 qalada qoljetimdi. Osy qalalar aýmaǵynyń 75 paıyzyna deıin qamtý úshin jańa 5G bazalyq stantsııalaryn ornatý jumystary jalǵastyrylatyn bolady. Ákimdikter tıisti baılanys ınfraqurylymyn ornatý múmkindikterin keńeıtý úshin mobıldi operatorlarǵa tolyq qoldaý kórsetýi tıis, - dedi ol.

Vıtse-premer avtojoldardy mobıldi baılanyspen qamtý boıynsha joba iske qosylǵanyn aıtty. 

- Bul respýblıkalyq jáne oblystyq mańyzy bar 40 myń shaqyrym joldy quraıdy. Jobany aldaǵy eki jylda aıaqtaý josparlanýda. Ákimdikterden jer ýchaskelerin jedel bólý jáne elektrenergııasyna qosylýǵa tehnıkalyq jaǵdaı jasaý talap etiledi, - dedi Jaslan Madıev.

Aıta keteıik, bıyl taǵy 2 spýtnıktik ınternet operatory jumysyn bastaıdy.