Respýblıkalyq veterınarııalyq zerthana qyzmetkerleriniń jalaqysy 26%-ǵa ósti
ASTANA. KAZINFORM- Qazaqstanda veterınarııa salasyn damytý jónindegi keshendi jospardy iske asyrý aıasynda veterınarııalyq qyzmetti jetildirý, eńbek jaǵdaılaryn jaqsartý jáne salanyń kadrlyq áleýetin nyǵaıtý baǵytynda júıeli sharalar qabyldanyp jatyr. Sonyń nátıjesinde QR AShM Veterınarııalyq baqylaý jáne qadaǵalaý komıtetiniń Respýblıkalyq veterınarııalyq zerthanasy qyzmetkerleriniń jalaqysy 26%-ǵa artty.
QR Aýyl sharýashylyǵy mınıstrligi Veterınarııalyq baqylaý jáne qadaǵalaý komıtetiniń habarlaýynsha, Eńbekaqyny arttyrý qyzmetkerlerdiń áleýmettik qorǵalýyn kúsheıtýge, veterınarııa salasynyń tartymdylyǵyn arttyrýǵa, bilikti mamandardy saqtap qalýǵa jáne jańa kadrlardy tartýǵa qolaıly jaǵdaı jasaýǵa baǵyttalǵan.
Respýblıkalyq veterınarııalyq zerthana qyzmetkerleri veterınarııa salasyn damytýǵa jáne azamattardyń ál-aýqatyn arttyrýǵa erekshe kóńil bólgeni úshin Memleket basshysyna, sondaı-aq eńbek jaǵdaılaryn jaqsartýǵa jáne kadrlyq áleýetti damytýǵa baǵyttalǵan sheshimderdi qoldaǵany úshin Aýyl sharýashylyǵy mınıstrligine alǵystaryn bildirdi.
Veterınarııa salasy mamandarynyń eńbek jaǵdaılaryn jetildirý jáne áleýmettik qorǵalýyn arttyrý baǵytyndaǵy jumystar jalǵasady.
Aldaǵy ýaqytta veterınarııalyq qyzmettiń basqa da bólimsheleri qyzmetkerleriniń eńbekaqy tóleý jaǵdaılaryn kezeń-kezeńimen jaqsartý múmkindikteri qarastyrylatyn bolady.
Osyǵan deıin «Qazsýshar» qyzmetkerleriniń jalaqysy eki esege artqany týraly jazdyq.
