Respýblıkalyq «Ulttyq kitap» baıqaýyna ótinimder qabyldaý bastaldy

ASTANA. KAZINFORM — Mádenıet jáne aqparat mınıstrliginiń uıymdastyrýymen Ulttyq kitap kúnine oraı «Ulttyq kitap» respýblıkalyq baıqaýyna ótinimder qabyldanyp jatyr. 

Baıqaýdyń maqsaty – oqý mádenıetin qalyptastyrý, úzdik kitap avtoryn anyqtap, qazaq ádebıeti men rýhanııat damýyna yqpal etý, aýdarmashylardy jáne baspagerler men kitap dızaınerlerin qoldaý, yntalandyrý.

Baıqaýǵa sońǵy 2 jylda otandyq baspalardan jaryq kórgen týyndylar qabyldanady.

Baıqaý 10 nomınatsııa boıynsha ótedi:

1. Balalarǵa arnalǵan úzdik kitap;

2. Úzdik komıks;

3. Non-fıkshn janryndaǵy úzdik kitap;

4. Detektıv janryndaǵy úzdik kitap;

5. Satıra janryndaǵy úzdik kitap;

6. Úzdik ıllıýstratsııalyq kitap;

7. Úzdik aýdarma kitaby;

8. Fantastıka janryndaǵy úzdik kitap;

9. Úzdik baspa;

10. «Jyl kitaby» Gran-prı syılyǵy.

Aıta ketelik Ulttyq elektrondy kitaphanany 227 myńnan astam oqyrman paıdalandy.