Respýblıkalyq referendýmǵa shetelde júrgen Qazaqstan azamattary qatysa alady

ASTANA.KAZINFORM – Qazaqstan Prezıdentiniń 2026 jylǵy 11 aqpandaǵy № 1170 Jarlyǵyna sáıkes, 2026 jylǵy 15 naýryzda Qazaqstanda jańa Konstıtýtsııanyń jobasy boıynsha respýblıkalyq referendým ótedi.

Syrtqy ister mınıstrligi málimetinshe, Qazaqstannyń shet elderdegi mekemeleriniń janynan 54 shet memlekette 71 referendým ýchaskesi quryldy.

Daýys berýge qatysý úshin belsendi saılaý quqyǵy bar, tıisti shet memlekette turatyn nemese jeke, qyzmettik, oqý, iskerlik pen týrıstik maqsatpen júrgen jáne QR azamatynyń jaramdy pasporty bar Qazaqstan Respýblıkasynyń azamattary referendým ýchaskesi qurylǵan Qazaqstannyń dıplomatııalyq nemese konsýldyq ókildigine júgine alady.

Qazaqstannyń shet elderdegi mekemelerinde daýys berý «Qazaqstan Respýblıkasyndaǵy saılaý týraly» QR Konstıtýtsııalyq zańy 38-shi babynyń 1-shi tarmaǵyna sáıkes referendým ótkiziletin kúni (2026 jylǵy 15 naýryz, jeksenbi) jergilikti ýaqyt boıynsha saǵat 07:00-den 20:00-ge deıin ótkiziletin bolady.

Taıaý Shyǵysta qalyptasqan jaǵdaıǵa baılanysty, Birikken Arab Ámirlikterinde, Izraıl Memleketinde, Iordanııa Hashımıt Koroldiginde, Iran Islam Respýblıkasynda, Qatar Memleketinde, Kýveıt Memleketinde, Lıvan Respýblıkasynda jáne Oman Sultanatyndaǵy Qazaqstan Respýblıkasynyń shet elderdegi mekemeleri janynan qurylǵan referendým ýchaskeleri ýaqytsha jumys istemeıdi.

Sonymen qatar qaýipsizdik sebepterge baılanysty, Ýkraına men Efıopııa Federatıvtik Demokratııalyq Respýblıkasyndaǵy Elshilikteriniń janynan qurylǵan referendým ýchaskeleri de ýaqytsha jumys istemeıtin bolady.

Aıta keteıik, Abaı oblysynda referendýmda 400 myńnan astam adam daýys berý quqyǵyna ıe.