Respýblıkalyq orfandyq ortalyqta qandaı ózgeris boldy
ASTANA.KAZINFORM - Densaýlyq saqtaý mınıstrligi respýblıkalyq orfandyq ortalyqtyń ornalasýyn ózgertý boıynsha jan-jaqty jáne kezeń-kezeńmen daıyndyq jumystaryn júrgizdi. Barlyq sheshim medıtsınalyq, uıymdastyrýshylyq jáne logıstıkalyq aspektilerdi eskere otyryp, ortalyq memlekettik organdar men óńirlerdiń qatysýymen vedomstvoaralyq jáne úkimettik deńgeılerde qabyldandy.
Mınıstrlik málimetinshe, bul rette orfandyq aýrýlary bar balalarǵa medıtsınalyq kómek kórsetý júıesi tolyq kólemde saqtalady. Patsıentterdi úılestirý, dárilik terapııany taǵaıyndaý, emdeýdiń tıimdiligi men qaýipsizdigin monıtorıngileý, sondaı-aq jergilikti jerlerde medıtsınalyq uıymdarmen ózara is-qımyl shtattyq rejımde jáne úzilissiz jalǵasady.
Respýblıkalyq orfandyq úılestirý ortalyǵy Pedıatrııa jáne balalar hırýrgııasy ǵylymı ortalyǵynyń bazasynda jumysyn jalǵastyrady, onyń ornalasýy ǵana ózgertiledi. Bul sırek (orfandyq) aýrýlary bar patsıentterge medıtsınalyq kómektiń qoljetimdiligi men sapasyna áser etpeıdi.
Densaýlyq saqtaý mınıstrligi qabyldanǵan sheshimder júıeniń turaqtylyǵyn odan ári arttyrýǵa, basqarý protsesterin ońtaılandyrýǵa jáne búkil el boıynsha orfandyq aýrýlary bar balalarǵa medıtsınalyq kómektiń úzdiksizdigin qamtamasyz etýge baǵyttalǵanyn atap kórsetedi.
– Densaýlyq saqtaý mınıstrligi ahýalǵa monıtorıng júrgizýdi jáne qabyldanǵan sheshimderdi iske asyrýdyń barlyq kezeńi týraly jurtshylyqty habardar etýdi jalǵastyrady, - dedi mınıstrlikten.
Aıta keteıik, Pavlodarda orfandyq aýrýǵa shaldyqqandar kóbeıgen.
Lázzat Shyńǵysbaeva orfandyq aýrýlardy emdeýge qatysty problemany atady.