Respýblıkalyq mańyzy bar joldardyń 2 ýchaskesinde qozǵalysqa shekteý engizildi
ASTANA. KAZINFORM – Kúnniń buzylýyna baılanysty (qatty boran, kórý múmkindiginiń shektelýi) respýblıkalyq mańyzy bar joldardyń 2 ýchaskesinde júk jáne qoǵamdyq avtokólikter úshin shekteý engizildi.
Bul týraly QR Tótenshe jaǵdaılar mınıstrliginiń baspasóz qyzmeti habarlady.
Aqtóbe oblysy
«RF shekarasy-Mártók-Aqtóbe-Karabutaq-Kyzylorda-Shymkent-Taraz-Qordaı-Almaty-Qorǵas-KHR shekarasy» 776-1240 shaqyrymy, Aqtóbe qalasy - Qyzylorda obl.
Qyzylorda oblysy
«RF shekarasy-Martýk-Aktobe-Karabýtak-Kyzylorda-Shymkent-Taraz-Kordaı-Almaty-Horgos-gr.KHR» 1240-1362 shaqyrymy, Aqtóbe oblysy-Aral qalasy.
TJM qaýipsizdik sharalaryn saqtaýǵa keńes beredi:
Aýa raıyna baılanysty eskertý jarııalaǵan kezde, ásirese qarańǵyda alys jerlerge saparǵa shyǵýdan bas tartyp, jaıaý júrmeýge tyrysý kerek.
Aýa raıy men avtojoldardaǵy kólik qozǵalysynyń shekteýleri týraly aqparatty baqylap otyrǵan jón.
Osyǵan deıin elimizdiń birqatar óńirinde aýa raıyna baılanysty eskertý jarııalanǵanyn jazdyq.