Respýblıkalyq etno-festıvalde «Sholpy taǵý» dástúri kórsetildi
ASTANA. KAZINFORM – «Bozoq» mýzeı-qoryǵynda respýblıkalyq etno-festıval uıymdastyryldy.
«Bozoq» memlekettik tarıhı-mádenı mýzeı-qoryǵynda respýblıkalyq etno-festıval ótti. Іs-shara barysynda kópshilik nazaryna «Sholpy taǵý» dástúri kórsetildi.
Festıvalge memlekettik organdar ókilderi, ǵalymdar, arheologtar, etnologtar, oqytýshylar men stýdentter qatysty. Qonaqtar ulttyq dástúrlerdi tamashalap qana qoımaı, ózderi de qatysyp, salt-dástúrdiń nasıhattalýyna atsalysty.
QR MAM Mádenıet komıtetiniń tóraǵasy Kúmis Seıitova mádenı muranyń saqtalýy halyqtyń tárbıesi men bilimine aıtarlyqtaı áser etetinin atap ótti.
«Memleket basshysy materıaldyq jáne materıaldyq emes mádenı murany saqtaýǵa kóp kóńil bóledi. Rýhanı mura – memleket qundylyqtarynyń biri. Álemdik tájirıbede mádenı mura asa mańyzdy áleýmettik fýnktsııasy bar mádenıettiń bir bóligi retinde qabyldanady», – dep atap ótti Kúmis Seıitova.
Boıjetken qyzdar taǵatyn sholpy men shashbaý áshekeıleri tek sándik turǵyda qoldanylmaıdy, onyń qazaq mádenıetindegi máni men mańyzy óte tereń.
