Respýblıkalyq dırıjerler konkýrsyna ótinim qabyldanyp jatyr
ASTANA. KAZINFORM – 2025 jyldyń 8-10 qazan aralyǵynda Qazaqstan Mádenıet jáne aqparat mınıstrliginiń qoldaýymen Jambyl atyndaǵy Qazaq memlekettik akademııalyq fılarmonııasynda Qazaqstannyń halyq ártisi, Memlekettik syılyqtyń laýreaty, Halyq qaharmany, kúıshi-kompozıtor, dırıjer Nurǵısa Tilendıevtiń 100 jyldyǵyna arnalǵan respýblıkalyq konkýrs ótedi.
Konkýrstyń basty maqsaty – Qazaqstan dırıjerlik mektebiniń dástúrin saqtaý, ony keńinen nasıhattaý, kásibı mamandarmen shyǵarmashylyq yntymaqtastyq ornatý, dırıjerlik sheberlikti jetildirý, sondaı-aq daryndy jas dırıjerlerdi qoldaý.
Baıqaý ulttyq mádenıettiń deńgeıin kóterý jáne Qazaqstannyń mádenı ımıdjin arttyrýǵa baǵyttalǵan. Baıqaýǵa Qazaqstannyń mýzykalyq óner salasyndaǵy 18 ben 35 jas aralyǵyndaǵy talantty jastar men joǵary oqý oryndarynyń stýdentteri qatysady.
Mádenıet jáne aqparat mınıstrligi málimetinshe, konkýrs 2 kezeńnen turady. Qatysýshylar Nurǵısa Tilendıev atyndaǵy akademııalyq folklorly-etnografııalyq «Otyrar sazy» orkestriniń súıemeldeýimen mýzykalyq shyǵarmalardy oryndaıdy.
Jeńimpazdardy sala mamandarynan quralǵan bilikti qazylar alqasy anyqtaıdy. 2025 jyldyń 10 qazan kúni Jambyl atyndaǵy Qazaq memlekettik akademııalyq fılarmonııanyń Úlken zalynda is-shara qorytyndylanyp, jeńimpazdardy marapattaý rásimi ótedi.
Aıta keteıik, eń kishkentaı dırıjer Atyraýda turady.