Respýblıkalyq bıýdjet kirisi 24,6% ósti
ASTANA.KAZINFORM – Bıylǵy birinshi jartyjyldyqtyń qorytyndysy boıynsha respýblıkalyq bıýdjettiń kiris bóligi tolyq kólemde atqaryldy. Al memlekettiń barlyq áleýmettik mindettemesi ýaqytyly qarjylandyryldy. Bul jóninde Úkimet otyrysynda Qarjy vıtse-mınıstri Erjan Birjanov málimdedi.
– Transfertterdi esepke almaǵanda, respýblıkalyq bıýdjet kiristeri 8,5 trln teńgege nemese 100,6%-ǵa jetti. Ótken jyldyń osyndaı kezeńimen salystyrǵanda kirister 1,7 trln teńgege nemese 24,6%-ǵa ósti. Salyq túsimderi 8,3 trln teńge nemese 100,3% boldy. Ótken jyldyń birinshi jartyjyldyǵymen salystyrǵanda, salyq túsimderi 1,9 trln teńgeden asyp, 29%-ǵa ósti, – dedi ol.
Sonymen birge, Erjan Birjanov kiristi ósirgen negizgi faktorlardy atap ótti.
– Kirister serpinine negizgi eksporttyq taýarlar boıynsha baǵanyń ósýi, sondaı-aq syrtqy saýda belsendiligi oń áser etti. Budan bólek, elektrondyq júıesi boıynsha satý aınalymdary 12%-ǵa nemese 10,8 trln teńgege ósti, — dedi ol.
Aıta keteıik, buǵan deıin memlekettik bıýdjettiń kiristeri 6,4 trln teńgege jetkenin jazǵanbyz.
