Respýblıkalyq bıýdjet komıssııasy otyrysynda qandaı jobalar qarjylandyrylatyny aıtyldy
ASTANA. KAZINFORM – Premer-mınıstr Oljas Bektenovtiń tóraǵalyǵymen Respýblıkalyq bıýdjet komıssııasynyń otyrysy ótti. Bul týraly Úkimettiń baspasóz qyzmeti habarlady.
RBK otyrysynyń qorytyndysy boıynsha orman tálimbaǵyn qurý, ulttyq gıdrometeorologııalyq qyzmetti jańǵyrtý jáne órt qaýipsizdigin kúsheıtý arqyly qorshaǵan ortanyń jaǵdaıyn jaqsartýǵa baǵyttalǵan jobalardy qarjylandyrýǵa qoldaý kórsetildi. Sonymen qatar qosymsha qarjylyq qoldaýdy qajet etetin birqatar joba qarastyryldy.
Premer-mınıstr memlekettik organdardyń basshylaryna protsesti qatań baqylaýǵa alyp, shyǵystardyń negizsiz artýyna jáne jobalar qunynyń ósýine jol bermeýdi tapsyrdy. Baǵdarlama ákimshileriniń jumysyn kúsheıtý jáne smetalyq qujattamada engizilgen joba qunyn saqtaý qajettigine nazar aýdarylady.
Aıta keteıik, búgin Senattyń jalpy otyrysynda QR Bıýdjet kodeksi men «Keıbir zańnamalyq aktilerge bıýdjet zańnamasyn jetildirý máseleleri boıynsha ózgerister jáne «Kontsessııalar týraly» Zańnyń kúshi joıyldy dep taný týraly» Zańy eki oqylymda qaraldy. Senat qujattardyń jekelegen baptaryn jańa redaktsııada usynyp, ony Májiliske qaıtardy.