Respýblıkalyq balalar sýretteri baıqaýy bastaldy

ASTANA. KAZINFORM – Oqý-aǵartý mınıstrliginiń Respýblıkalyq qosymsha bilim berý oqý-ádistemelik ortalyǵy balalar men jasóspirimder úshin «Naýryz - jyl basy» atty respýblıkalyq sýret baıqaýyn ótkizedi.

Baıqaýdyń maqsaty — Naýryz merekesi qarsańynda ulttyq dástúrler men rýhanı qundylyqtardy dáripte, sondaı-aq Naýryznama onkúndigi aıasynda kórkemdik-estetıkalyq shyǵarmashylyq salasyndaǵy daryndy balalardy anyqtaý, olarǵa qoldaý kórsetý.

Baıqaýǵa jalpy orta, arnaıy, qosymsha bilim berý uıymdarynyń, sondaı-aq tehnıkalyq jáne kásiptik bilim berý uıymdarynyń 7-18 jas aralyǵyndaǵy bilim alýshylary qatysa alady.

Baıqaý kelesi nomınatsııalar boıynsha ótedi:

1. «Naýryz jáne meniń otbasym» — úzdik sýret;
2. «Naýryz — kóktemniń sımvoly» — úzdik sýret;
3. «Naýryz jáne Qazaqstan mádenıeti» — úzdik sýret.

— Ótinimder 2026 jyldyń 16-27 naýryz aralyǵynda smartziyatker.kz platformasynda qabyldanady. Baıqaý onlaın formatta ótedi, nátıjeleri 2 sáýirde jarııalanady, — delingen mınıstrlik habarlamasynda.

Aıta ketelik elimizdiń barlyq bilim berý uıymynda Naýryznama onkúndigi bastaldy.