Respýblıkalyq joldarǵa kún sáýlesinen qýat alatyn batareıalar ornatylyp jatyr
ASTANA. KAZINFORM – Respýblıkalyq mańyzdaǵy «Dossor-Qulsary-Beıneý-Saıótes-Shetpe-Jetibaı-Aqtaý» avtomobıl joly jelisiniń Mańǵystaý aýdanyna qarasty Jarmysh, Beki aýyldary, Saıótes aýyly mańyna, Manata asýyna 300 dana kún sáýlesinen qýat alatyn batareıalar ornatý jumystary júrgizilip jatyr. Bul táýliktiń túngi mezgilinde jol-kólik oqıǵalarynyń aldyn alýǵa yqpal etedi.
Sonymen qatar, jol ýchaskelerine jaqyn jaıylymdary bar mal sharýashylyqtary ornalasqan jerlerge janýarlardyń qatysýymen bolatyn jol-kólik oqıǵalaryn aldyn alý úshin, Mańǵystaý jáne Beıneý aýdandaryna qarasty Tólep aýyly, 5 beket, 6 beket, «Qaraqudyq» ken orny burylysyna, 7 beket, Saıótes aýyly mańy jáne de Jetybaı-Aqtaý baǵytyndaǵy Munaıshy aýyly mańyna jalpy uzyndyǵy 40 shaqyrymdy mal ótýin boldyrmaıtyn sym qorshaýlaryn ornatý jumystary bastaldy.
Jaıaý júrginshilerdiń qatysýymen bolatyn jol-kólik oqıǵalaryn aldyn alýda, Shetpe, Beıneý eldi mekenderinde 2 proektsııalyq jaıaý júrginshiler ótkeli ornatyldy. Jyl sońyna deıin «Jetibaı-Aqtaý» avtojol ýchaskesinde Batyr aýyly mańynda qosymsha 3 proektsııalyq jaıaý júrginshiler ótkelin ornatý jumystaryn júrgizý josparlanyp otyr.
«QazAvtoJol» UK» AQ» Mańǵystaý oblystyq fılıaly málimetinshe, respýblıkalyq mańyzdaǵy «Beıneý-Aqjigit-Ózbekistan respýblıkasy shekarasy aqyly avtomobıl jolynda Syńǵyrlaý, Aqjigit, Tájen aýyldary mańynda uzyndyǵy 6 shaqyrym mal ótýin boldyrmaıtyn sym qorshaýlary jáne de 60 dana kún sáýlesinen qýat alatyn batareıalarymen jaryqtandyrý baǵandary ornatyldy.
Jyl sońyna deıin jol qozǵalysyna qatysýshylarǵa qolaıly jaǵdaı jasaý úshin, 1 sanıtarlyq-gıgıenalyq torap ornatý josparlanyp otyr.
