Respýblıkalyq «Aqtóbe-Hromtaý-Ulǵaısyn» joly tórt jolaqty bolady
ASTANA. KAZINFORM – Respýblıkalyq mańyzy bar «Aqtóbe-Hromtaý-Ulǵaısyn» joly tórt jolaqty bolady. Qazir qaıta qurý jumystary bastalyp ketti.
Kólik mınıstrligi málim etkendeı, bul jol I tehnıkalyq sanatqa ıe bolyp, tórt jolaqty jolǵa aınalady. Qurylys jumystary Aqtóbe óńiriniń Hromtaý aýdanynda júrip jatyr. Jańa tórt jolaqty jol Hromtaý qalasynyń qasynda bastalyp, Aqjar aýyly men Jazyq beketi arqyly ótedi. Bul ýchaskede 2 kópir men 2 jol aıryǵy salynady.
Aqtóbe óńirine jumys sapary aıasynda qurylys jumystarynyń barysyn Kólik mınıstri Marat Qarabaev tekserdi.
«Nysan basynda 120 maman men 100 birlik arnaıy tehnıka jumys istep jatyr. Qurylys jumystary qarqynyn arttyrý maqsatymen taǵy da qosymsha mamandar men arnaıy tehnıka jumyldyrý kózdeldi. Bıyl merdiger uıymdar barlyq jer jumysyn aıaqtap, sondaı-aq erigen qar sýyn ótkizýge múmkindik beretin sý ótkizgish qubyrlardy salady»,- dep aıtty Marat Qarabaev.
