Respýblıkada «Jumyspen qamtý» keshendi jedel-aldyn alý sharasynyń nátıjesi shyǵaryldy
ASTANA. Shildeniń 27-si. QazAqparat /Gúlmıra Álıakparova/ - Aǵymdaǵy shilde aıynyń 19-23 kúnderi respýblıka aýmaǵynda ótkizilgen «Jumyspen qamtý» keshendi jedel-aldyn alý is-sharasynyń nátıjesi boıynsha, túrli quqyqtyq buzýshylyqtar úshin 7 myńnan astam kámeletke tolmaǵan jas, olardyń ata-analary men zańdy ókilderi ákimshilik jaýapkershilikke tartyldy.
QR Іshki ister mınıstrligi Ákimshilik polıtsııa komıtetinen málim etkendeı, balalardy tárbıeleýde óz mindetterin oryndamaǵany úshin - 731 ata-ana men balalardyń tárbıesine jaýapty tulǵalar sondaı-aq, kámeletke tolmaǵandardy alkogoldi mas kúıge jetkizgeni úshin - 51 azamat jaýapqa tartyldy. Kámeletke tolmaǵandardy qylmystyq áreketterge tartqan 6 adam anyqtaldy. 1264 jetkinshek pen 1186 qolaısyz otbasy esepke alyndy.
Sonymen birge, eńbek zańnamasyna qaıshy jumys istep júrgen 338 kámeletke tolmaǵan anyqtalyp, 227 jumys berýshige qatysty prokýratýra, eńbek jáne áleýmettik qorǵaý organdaryna usynymdar engizildi.
Aıta keteıik, is-sharany ótkizýge barlyq dńgeıdegi polıtsııa bólimshileri men basqa da múddeli memlekettik vedomstvalar, onyń ishinde bilim jáne densaýlyq saqtaý organdary, jergilikti atqarýshy organdar jumyldyryldy.
Іs-sharanyń negizgi maqsaty - jazǵy maýsymda kámeletke tolmaǵandardyń tarapynyn quqyq buzýshylyqty eskertý jáne aldyn alý, esepte turǵan qolaısyz otbasylardaǵy jasóspirimderdiń bos ýaqytyn tıimdi uıymdastyrý.
