Respýblıkada jol qozǵalysy erejesi buzylǵanyn anyqtaıtyn 151 qurylǵy bar - Q.Tynybekov
ASTANA. Qazannyń 22-si. QazAqparat /Marlan Jıembaı/ - Respýblıkada jol qozǵalysy erejesi buzylǵanyn anyqtaıtyn 151 foto jáne beıne quraly bar.
Bul týraly búgin QR ІІM-inde ótken arnaıy baspasóz máslıhatynda Jol polıtsııasy komıtetiniń tóraǵasy Qaırat Tynybekov málim etti.
«Qazirgi ýaqytta Jol qozǵalysy erejesi buzýshylyqtaryn anyqtaıtyn barlyǵy 151 foto jáne beıne quraly bar. Atap aıtqanda Astanada - 52, Qaraǵandyda - 16, Óskemende - 15, Almatyda - 15, Atyraýda - 7, Oralda - 6, Semeıde - 5, Shymkentte - 9, Qostanaıda - 9, Qyzylordada - 6, Aqtaýda - 5, Tarazda - 4, Aqtóbede 2 qurylǵy ornatylǵan», - dedi ol.
Q.Tynybekovtiń atap ótýine qaraǵanda, bundaı qurylǵylardyń jol erejesiniń buzylýynyń aldyn alýdaǵy tıimdiligi artyp otyr. Osyndaı júıelerdiń kómegimen 425 myń quqyqbuzýshylyq anyqtalyp, memleket bıýdjetine 908 mln. teńge aıyppul retinde túsken. «Avtomattyq júıelerdi qoldaný sybaılas jemqorlyqqa da jol bermeıdi», - deıdi komıtet tóraǵasy.
