Respýblıkada jaýyn-shashyn, kók taıǵaq bolyp, jel kúsheıedi - Qazgıdromet
ASTANA. 26 naýryz. QazAqparat - Qazaqstannyń aýa raıyna tsıklon jáne sonymen baılanysty atmosferalyq fronttar áser etedi, sondyqtan jaýyn-shashyn, kóktaıǵaq bolyp, jel kúsheıedi degen boljam bar.
Bul týraly Qazgıdromet málimetterine súıene otyryp QR Tótenshe jaǵdaılar mınıstrliginiń baspasóz qyzmeti málemdeıdi.
Shyǵys Qazaqstan oblysynda sekýndyna 17-22 metr, keı jerlerde 23-28 metr jyldamdyqpen jel soǵady, Jarma aýdanynda sekýndyna 30-35 metr jyldamdyqta jel turyp, keı jerlerde qarly boran, kók taıǵaq bolady.
Almaty oblysynyń keı jerlerinde túnde sekýndyna 15-20 metr, Jalańashkól mańynda 20-25 metr, keıde 30 metr jyldamdyqta jel turady.
Aqmola oblysynyń joldarynda kók taıǵaq bolyp, sekýndyna 15-20 metr jyldamdyqta jel soǵady, keı jerlerde jeldiń kúshi 25 metr jyldamdyqqa jetedi dep boljanýda.
Atyraý, Qyzylorda, Jambyl, Ońtústik Qazaqstan oblystaryndaǵy jeldiń kúshi sekýndyna 15-20 metr jyldamdyqta bolady.
Mańǵystaý oblysynyń keı jerlerinde soqqan jeldiń kúshi sekýndyna 12-20 metr jyldamdyqqa jetip, keı jerlerde tuman túsedi.
Batys Qazaqstan oblysynyń keı jerlerinde qarly boran bolyp, sekýndyna 17-22 metr jyldamdyqta jel soǵady.
Aqtóbe oblysynyń keı jerlerinde joldarda kók taıǵaq bolyp, jaıaý borasyn turyp, sekýndyna 15-20 metr jyldamdyqta jel soǵady.
Qostanaı, Soltústik Qazaqstan oblystarynda sekýndyna 15-23 metr jyldamdyqta jel soǵady, keı jerlerde qarly boran turyp, kók taıǵaq bolady.
Pavlodar oblysynda sekýndyna 17-22 metr jyldamdyqta jel soǵyp, keıbir joldarda kók taıǵaq bolady dep kútileýde.
Qaraǵandy oblysynyń jekelegen aýdandarynda tuman, kók taıǵaq, sekýndyna 17-22 metr jyldamdyqta jel turady.
