Respýblıkada tumaý jáne JRVI boıynsha epıdemıologııalyq jaǵdaı turaqty-QR DSM
ASTANA. 10 qańtar. QazAqparat - Epıdemıologııalyq maýsymnyń basynan bastap (2012 jylǵy 1 qazannan) elimiz boıynsha 308 myńnan astam JRVI jaǵdaıy tirkelgen, onyń ishinde 5 jaǵdaı maýsymdyq tumaý. Bul ótken jyldyń sáıkes kezeńimen salystyrǵanda 11,3%-ǵa tómen.
QR Densaýlyq saqtaý mınıstrliginiń baspasóz qyzmetiniń málimetinshe, maýsymdyq tumaý jaǵdaılary Soltústik Qazaqstan, Shyǵys Qazaqstan, Batys Qazaqstan oblystarynda jáne Almaty, Astana qalalarynda tirkeldi.
Epıdemıologııalyq maýsymnyń basynan bastap tumaýǵa qarsy 1 mln. 310 myńnan astam adam egildi. Olardyń ishinde 14 jasqa deıingi balalar sany 364 myńǵa jýyq bolsa, 75 myńyn júkti áıelder qurady. Vaktsınatsııadan keıin asqyný tirkelgen joq.
Zerthanalyq zertteýler nátıjesinde V tıpti, A H1N1 tıpti, A H3N2 tıpti maýsymdyq tumaý, sondaı-aq, tumaý vırýstaryna jatpaıtyn vırýstar aınalymy anyqtaldy (adenovırýstar, rınosıntıtsıaldy jáne paragrıp vırýstary).
Álemdegi tumaýǵa qatysty jaǵdaıǵa kelsek, «Sınhýa» agentiginiń málimetinshe, Qytaı Halyq Respýblıkasynda tumaýmen syrqatanýshylyqtyń kóterilýi baıqalady. 2012 jylǵy jeltoqsannyń 24-nen bastap 30-na deıin 1 040 000 JRVI-men aýyrǵan adam tirkelip, 28,5 myń adamda tumaý vırýsy anyqtaldy. Onyń ishinde A H1N1tıpti vırýs basym.
Qytaı mamandarynyń baǵalaýy boıynsha, Beıjińde A H1N1 tumaýynan osy ınfektsııaǵa qarsy egilmegen 22 jáne 65 jastaǵy eki áıel qaza bolǵan.
QR DSM MSEQ komıteti vaktsınatsııa - tumaýdyń aldyn alýdyń eń tıimdi tásili ekendigin eske salady.
