Respýblıkada talapkerlerdi keshendi testileý bastaldy
ASTANA. 17 shilde. QazAqparat - Búgin respýblıkada talapkerlerdi keshendi testileý bastaldy. Bul týraly QR Bilim jáne ǵylym mınıstrliginiń baspasóz qyzmetinen habarlady.
Keshendi testileý test ótkizýdiń 35 pýnkti bazasynda 19 shilde men 22 shilde aralyǵynda ótkiziledi.
Joǵary oqý oryndarynyń qabyldaý komıssııalary 20 maýsym men 9 shilde aralyǵynda keshendi testileýge qatysýǵa ótinish qabyldaýdy júzege asyrdy. Testileýge qatysýǵa jazylǵan ótinishter sany 78758-dy quraıdy, onyń ishinde mektep túlekteriniń ótinishteri - 17765, jalpy orta bilim alyp (11-synyp) oqýǵa túsken tehnıkalyq jáne kásibı bilim mekemeleri túlekteriniń ótinishteri - 17568, negizgi orta bilim alyp (9-synyp) oqýǵa túsken tehnıkalyq jáne kásibı bilim mekemeleri túlekteriniń ótinishteri - 43425.
Testileýge qatysýǵa ótinish qabyldaýdyń qorytyndysy boıynsha Ulttyq ortalyq emtıhan materıaldaryn daıyndap, testileýdi ótkizý úshin aımaqtarǵa jetkizdi.
Keshendi testileýge jalpy orta bilim berý uıymdarynyń ótken jylǵy túlekteri, tehnıkalyq jáne kásibı bilim berý uıymdarynyń túlekteri, UBT-ǵa qatyspaǵan mektep túlekteri, halyqaralyq almasý oqytý júıesi boıynsha shetelde oqyǵandar, oqytylýy qazaq jáne orys tilderinde júrgizilmeıtin mektep túlekteri, respýblıkalyq mýzykalyq mektep-ınternattarynyń túlekteri, sonymen birge, shetel oqý oryndaryn bitirgender qatysady.
Keshendi testileý talapkerdiń qalaýymen qazaq nemese orys tilinde orta bilim berýdiń oqý baǵdarlamasy kóleminde 4 pán boıynsha: memlekettik nemese orys tili, Qazaqstan tarıhy, matematıka jáne tańdaý páni boıynsha ótedi.
