Respýblıkada óndirilgen elektr energııasynyń kólemi tutyný deńgeıinen asty
ASTANA. 12 qarasha. QazAqparat - Respýblıkada óndirilgen elektr energııasynyń kólemi tutyný deńgeıinen asty. Bul týraly QR IJTM Memlekettik energetıkalyq qadaǵalaý jáne baqylaý komıtetiniń baspasóz qyzmeti habarlady.
«Sońǵy 10 aıda Respýblıkada óndirilgen elektr energııasynyń kólemi 14,8 mlrd. kVts qurady. Bul ótken jylǵymen salystyrǵanda 2,9 paıyzǵa kóp. Sonymen qatar elektr energııasyn tutyný - 73,1 mlrd. kVts bolǵan, bul ótken jylmen salystyrǵanda 1,3%-ǵa az», - delingen habarlamada.
Elektr energııasyn asyra óndirgen óńirlerden Jambyl oblysyn (132,2%), Qaraǵandy oblysyn (108,8%), Atyraý oblysyn (108,5%), Soltústik Qazaqstan oblysyn (108,2%), Almaty oblysyn (108,2%) atap ótýge bolady. Kerisinshe elektr energııasyn eń az óndirgen oblystardyń qatarynda: Shyǵys Qazaqstan oblysy (96,2%), Qostanaı oblysy (95,2%), Ońtústik Qazaqstan oblysy (82,3%) bar.
