Respýblıkada qyzylshaǵa qarsy ımmýndaýǵa jatatyn 92%-dan astam jasóspirimge ekpe jasaldy
Aǵymdaǵy jyldyń 20 qazanyndaǵy málimetterge sáıkes, Qazaqstanda qyzylshaǵa qarsy qosymsha ımmýndaý naýqanynyń aıasynda maqsatty toptyń jalpy sanynan (316 myń 704 jasóspirim) 15-19 jas aralyǵyndaǵy 292 myń 113 adam nemese 92,1% jasóspirimge ekpe jasaldy.
Qyzylshaǵa qarsy qosymsha ımmýndaý naýqany 11 aımaqta óz jumysyn aıaqtady. Onyń ishinde Aqtóbe, Batys Qazaqstan jáne Qyzylorda oblystarynda 100%, Aqmola, Atyraý, Jambyl, Qaraǵandy, Pavlodar, Soltústik Qazaqstan oblystary jáne Astana men Almaty qalalarynda 95%-dan astam adam qamtyldy.
Immýndaý sharalaryn júzege asyrý barysynda jaǵymsyz jaǵdaılar tirkelgen joq, dep habarlady QR densaýlyq saqtaý jáne áleýmettik damý mınıstrliginiń baspasóz qyzmeti.
Esterińizge sala keteıik, Qazaqstanda aǵymdaǵy jyldyń 1 qazanynan bastap 15-19 jas aralyǵyndaǵy jasóspirimderdi qyzylshaǵa qarsy qosymsha ımmýndaý naýqany ótkizilýde.