Respýblıkada «Qaýipsiz jol» jedel-profılaktıkalyq is-sharasy ótkizilýde
ASTANA. Qazannyń 19-y. QazAqparat - 2010 jyldyń 9 aıy ishinde respýblıka joldarynda 8286 jol-kólik oqıǵalary (JKO) tirkelip, onda 1937 adam qaza tapty jáne 9632 adam jaraqat aldy. 2009 jyldyń osyndaı kzeńimen salystyrǵanda oqıǵalar sany 5,6% (-495) azaıdy, qaza tapqandar sany 4,5% (-91) jáne jaraqat alǵandar sany 6,7% (-695) azaıdy.
Alaıda, apattylyqtyń negizgi kórsetkishteriniń azaıǵanyna qaramastan elimizde jol qaýipsizdigin qamtamasyz etý qıyn bolyp qalýda, dep habarlaıdy Qazaqstan Respýblıkasy ІІM Jol polıtsııasy komıtetiniń baspasóz qyzmeti.
Jol qozǵalysy erejeleriniń (JQE) talaptaryn saqtaýǵa jol polıtsııasynyń qadaǵalaýyn kúsheıtý, bul JKO eskertýdiń birden-bir tıimdi ádisi bolyp tabylatynyn tájirıbe kórsetti.
Osyǵan baılanysty, joldarda apattylyqtyń jaı-kúıin odan ári turaqtandyrý maqsatynda Qazaqstan Respýblıkasy ІІM 2010 jylǵy qazannyń 18-i men 25-i aralyǵynda jalpyrespýblıkalyq «Qaýipsiz jol» jedel-profılaktıkalyq is-sharasyn ótkizýde, delingen baspasóz qyzmeti taratqan málimette.
Joldarda jol polıtsııasy jasaqtarynyń sany kóbeıtildi, jeke quramnyń jumysy JKO-nyń bolýyna soqtyratyn JQE-ny eń qaýipti buzýshylyqtardy aıqyndaý men jolyn kesýge baǵyttalǵan.
Operatsııany ótkizýdiń alǵashqy bir kúniniń ishinde JQE-ny 10945 buzýshylyq aıqyndaldy. 325 júrgizýshiler kólikti mas jáne esirtkige masań kúıde basqarǵany úshin ákimshilik jaýapkershilikke tartyldy, jyldamdyq tártibin asyrǵany úshin 1903 júrgizýshilerge, qarsy joldyń baǵytyna shyqqany úshin 227 júrgizýshige aıyppul salyndy, kólik quraldaryn tıisti qujattarsyz basqarýdyń 757 faktisi aıqyndaldy. JQE men kólikti paıdalanýdyń jolaýshylar kóliginiń júrgizýshilerimen jasalǵan 431 buzýshylyǵy, memlekettik jeńil kóliktiń júrgizýshilerimen jasalǵan 239 buzýshylyǵy anyqtaldy. Sondaı-aq is-sharany ótkizý kezinde JQE buzǵandaǵy úshin 442-ge jýyq jaıaý júrginshiler ákimshilik jaýapkershilikke tartyldy.
