Respýblıkada ınflıatsııa boıynsha Qyzylorda oblysy eń tómengi kórsetkishke ıe - Danııar Aqyshev
QYZYLORDA. QazAqparat - Búgin Ulttyq Bank tóraǵasy Danııar Aqyshev Qyzylorda oblysyndaǵy jumys sapary kezinde jýrnalıstermen baspasóz máslıhatyn ótkizdi, dep habarlady QazAqparat tilshisi.
Bank basshysy alǵashqy kezekte Qyzylorda oblysyndaǵy qarjy naryǵynyń damý perspektıvalaryn sóz etti.
Onyń aıtýynsha, óńirdiń ekonomıkalyq áleýeti men damý perspektıvalary joǵary. Qyzylorda oblysynda 2016 jylǵy 11 aıda ınflıatsııa boıynsha eń tómengi kórsetkish belgilengen, bul esepti kezeńde 7,5%-dy quraǵan respýblıkalyq deńgeıden tómen.
Qyzylorda oblysy zańdy jáne jeke tulǵalar salymdarynyń ósýi jaǵynan kósh bastap tur. «Eger tutastaı alǵanda el boıynsha teńgemen salymdar 84%-ǵa derlik ósse, Qyzylorda oblysynda ol 143%-ǵa ósken, bul óńirler ishindegi eń jaqsy nátıje bolyp tabylady», - dep atap ótti D. Aqyshev.
Munan ózge Danııar Aqyshev jýrnalısterge QR UB júrgizip otyrǵan aqsha-kredıt saıasaty jáne qarjy naryǵyndaǵy sońǵy úrdister jaıynda aıtyp berdi, sondaı-aq qoıylǵan túrli saýaldarǵa jaýap berdi.
