Respýblıkada eńbek zańnamasyna qaıshy jumys istep jatqan 63 kámeletke tolmaǵandar anyqtaldy - «Jumyspen qamtý» jedel aldyn alý sharasynyń alǵashqy nátıjesi
ASTANA. Shildeniń 22-si. QazAqparat /Gúlmıra Álıakparova/ - Osy kúnderi respýblıka aýmaǵynda «Jumyspen qamtý» jedel-aldyn alý sharasy ótkizilýde.
Іs-sharanyń alǵashqy kúninde Іshki ister qyzmetkerleri eńbek zańnamasyna qaıshy jumys istep jatqan 63 kámeletke tolmaǵan jetkinshekti anyqtady, onyń ishinde 18-i - oıyn-saýyq oryndarynda, 13-i - kólikte, 5-i aýylsharýashylyq qyzmetterinde jáne 29-y - basqa jerlerde.
Shildeniń 23-ine deıin ótkiziletin «Jumyspen qamtý» jedel-aldyn alý sharasynyń maqsaty - jazǵy demalys maýsymynda kámeletke tolmaǵandar tarapyna jasalatyn quqyq buzýshylyqtardy eskertý jáne aldyn alý, ishki ister organdarynda esepte turǵan qolaısyz otbasylarynda tárbıelenetin balalar men jasóspirimderdiń bos ýaqyttaryn tıimdi uıymdastyrý.
Profılaktıkalyq is-sharaǵa qatysýǵa jergilikti atqarýshy organdardyń, prokýratýra, densaýlyq saqtaý organdarynyń, sondaı-aq «Nur Otan» HDP jastar qanaty fılıaldarynyń ókilderi jumyldyryldy. Іs-sharany ótkizýge barlyǵy 12 myńnan astam adam atsalysýda.
QR ІІM-niń Ákimshilik polıtsııa komıtetinen málim etkendeı, shara barysynda ata-analar men olardyń oryn aýystyratyn adamdardyń balalardy tárbıeleýde óz mindetterin oryndamaǵany úshin - 236, kámeletke tolmaǵandardy alkogoldi mas kúıge jetkizgeni úshin - 17 eresek adam jaýapqa tartyldy.
Sondaı-aq, jetkinshekterge alkogoldi sýsyndar men temekini satqan 200-ge jýyq saýda oryndary anyqtalyp, olar boıynsha jergilikti atqarýshy organdarǵa usynystar jiberildi.
Aıta keteıik, Іshki ister organdarynyń múddeli vedomstvolarymen birlesip ótkizilgen is-sharalardyń nátıjesinde aǵymdaǵy jyly kámeletke tolmaǵandar arasyndaǵy qylmys 11,9 paıyzǵa (2252-den 1984-ke) azaıdy.
