Respýblıkada dene shynyqtyrý-saýyqtyrý keshenderin salýǵa 4,7 mlrd. teńge qarastyrylǵan
ASTANA. 10 qazan. QazAqparat - 2014 jylǵa arnalǵan bıýdjettiń jobasynda dene shynyqtyrý-saýyqtyrý keshenderin salýǵa 4,7 mlrd. teńge kózdelgen.
Atalǵan keshender 70 paıyz respýblıkalyq bıýdjetten, 30 paıyz jergilikti bıýdjetten qarjylandyrylatyn bolady.
Bul týraly búgin QR Sport jáne dene shynyqtyrý isteri agenttiginde ótken qoǵamdyq keńes otyrysynda vedomstvo basshysy Erlan Qojaǵapanov aıtty.
Onyń málimetinshe, búgingi tańda respýblıka boıynsha sporttyq keshenderge degen jalpy qajettilik 1 mln.-nan astam sharshy metrdi quraıdy. Al qazirgi bary 587 sharshy metr, ıaǵnı 44 paıyz ǵana. Sonda qazirgi tapshylyq 747 myń sharshy metrdi qurap otyr.
«Memleket basshysy bizdiń aldymyzǵa kásibı sport rezervin daıarlaý úshin, jalpy bilim berý mektepterinde dene shynyqtyrý sabaqtaryn ótkizý jáne jalpy halyqtyń saýyǵýy úshin paıdalanylatyn dene shynyqtyrý - saýyqtyrý keshenderin salý mindetin qoıdy. Bizdiń maqsatymyz - Prezıdenttiń tapsyrmasyn oryndaý», - dep atap ótti E. Qojaǵapanov.
