Respýblıkada barlyq kópqabatty turǵyn úıdiń 32 paıyzy kúrdeli jóndeýdi qajet etedi

ANA. 28 maýsym. QazAqparat /Gúlmıra Álıakparova/ - Qazaqstanda barlyq kópqabatty turǵyn úıdiń 32 paıyzy kúrdeli jóndeýdi qajet etedi. Bul týraly Qurylys jáne turǵyn úı-kommýnaldyq sharýashylyq isteri agenttigi departamentiniń dırektory Vasılıı Maslov aıtty.

Onyń aıtýynsha, álemdik statıstıka boıynsha, kúrdeli jóndeýdi qajet etetin turǵyn úı qorynyń kórsetkishi 10 paıyzdy qurasa, ol jaqsy kórsetkish bolyp sanalady.

«Elbasynyń Joldaýyna sáıkes 2015 jylǵa qaraı bul kórsetkishti 32-den 22 paıyzǵa azaıtý kózdelip otyr. Al 2020 jylǵa qaraı ony 10 paıyzǵa deıin túsirý maqsatyn qoıyp otyrmyz», - dedi ol.

Agenttiktiń málimetteri boıynsha, búgingi kúni Qazaqstanda kópqabatty 172 myń turǵyn úı bar.