Respýblıkada avtokólikterdi urlaý men aıdap ketýdiń 78 faktisi tirkeldi - ІІM
ASTANA. 11 mamyr. QazAqparat /Jasulan Amanbaıuly/ - Mamyr aıynyń on kúni ishinde elde avtokólikterdi urlaý men aıdap ketýdiń 78 faktisi tirkelgen.
Bul málimetterdi búgin Astanada ótken baspasóz máslıhaty barysynda QR ІІM-niń Ákimshilik polıtsııa komıtetiniń tóraǵasy Qaırat Tynybekov keltirdi.
"Onyń ishinde 39 fakti, ıaǵnı 50 paıyzǵa jýyǵy ashylǵan joq. Bul qylmys, ásirese Almaty, Shyǵys Qazaqstan, Qaraǵandy, Pavlodar, Ońtústik Qazaqstan oblystarynda, sondaı-aq Astana men Almaty qalalarynda keń taraǵan»,-dedi ol.
