Respýblıkada aýa raıy turaqsyz bolady, jańbyr jaýyp, jel kúsheıedi - 4 mamyrǵa arnalǵan aýa raıy boljamy
ASTANA. 3 mamyr. QazAqparat - Qazaqstan Respýblıkasy qorshaǵan ortany qorǵaý mınıstrliginiń «Qazgıdromet» RMM-niń málimetine sáıkes, 4 mamyrda respýblıkanyń soltústik, shyǵys aýdandary men Qazaqstannyń ortalyǵy tsıklonnyń yqpalynda bolady.
Atmosferalyq aǵymdardyń ótýine baılanysty aýa raıy turaqsyz bolady, jańbyr jaýyp, jel kúsheıedi. Respýblıkanyń batysynda aýa raıy jaýyn-shashynsyz bolady dep kútilýde, ońtústik pen ońtústik-shyǵysta túnde ekpindi jel saqtalady.
Mańǵystaý, Qostanaı oblystarynyń jekelegen jerlerinde 15-20 m/s jyldamdyqpen jel soǵady, túnde jáne tańerteń tuman túsedi.
Soltústik Qazaqstan, Aqmola, Pavlodar oblystarynyń keı jerlerinde 15-20 m/s jyldamdyqpen jel soǵady.
Qaraǵandy oblysynda túnde batystan soǵatyn jel 15-20 m/s-qa deıin jetedi, keı jerlerde jeldiń ekpini 25m/s-ty quraıdy, jekelegen aýdandarda 15-20 m/s jyldamdyqpen jel soǵady.
Shyǵys Qazaqstan oblysynyń jekelegen jerlerinde jel 15-20 m/s-qa deıin kúsheıedi, keı jerlerde qumdy daýyl kóteriledi.
Ońtústik Qazaqstan oblysynyń keı jerlerinde 18-23 m/s jyldamdyqpen jel soǵady, túnde jeldiń ekpini 30 m/s-qa deıin jetýi múmkin, túnde Jambyl oblysynyń keı jerlerinde 15-20 m/s jyldamdyqpen jel soǵady, keıin onyń ekpini 25 m/s-qa deıin jetedi, túnde Almaty oblysynda jeldiń ekpini 18-23 m/s-ty quraıdy.
Aldaǵy táýlikterde ońtústik, ońtústik-shyǵys jáne Qazaqstannyń shyǵys taýly ózenderinde sý deńgeıiniń aýytqýy baıqalady.
