Respýblıkada árbir tórtinshi otbasy ajyrasyp jatady

Bul týraly Astanada bastalǵan «Berik otbasy - qoǵamnyń tiregi» atty respýblıkalyq konferentsııada QR Parlament Májilisiniń Mádenı-áleýmettik damý jónindegi komıtettiń tóraıymy Dınara Núketaeva málim etti.

Onyń aıtýynsha, Almaty, Aqmola, Qostanaı, Qaraǵandy, Pavlodar jáne Soltústik Qazaqstan oblystarynda bir jylda nekege turǵan árbir úshinshi erli-zaıypty ajyrasatyn bolsa, Jambyl jáne Ońtústik Qazaqstan oblystarynda bul kórsetkish eki ese tómen, onda árbir altynshy neke ajyrasyp jatady. «Bul, árıne, halyqtyń aımaqtaǵy mentalıtetine tikeleı baılanysty», - deıdi Dınara Núketaeva.

QR Statıstıka agenttiginiń málimetine boıynsha 2010 jyly Qazaqstanda 144 357 otbasy zańdy nekege turyp, olardyń 40 982-si ajyrasty. Bul 2008 jylmen salystyrǵanda, 5 733-ke artyq.