Respýblıkada aqbókenderdiń sany 81 myń basqa jetti
ASTANA. Qańtardyń 18-i. QazAqparat /Rýslan Ǵabbasov/ - Ótken jyly aqbókenderdiń sany 32,7 paıyzǵa ósti.
Bul týraly búgin Astanada ótken alqa májilisinde Aýyl sharýashylyǵy mınıstri Aqylbek Kúrishbaev málim etti, dep habarlaıdy QazAqparat.
Mınıstrdiń aıtýynsha, ınspektsııalyq qyzmetterdiń jumysyn jandandyrý esebinen sırek kezdesetin jáne joıylyp bara jatqan janýarlardy qorǵaý boıynsha sharalar aıtarlyqtaı jaqsara tústi. «Atap aıtqanda, ótken jyly aqbókenderdiń sany 32,7 paıyzǵa artyp, 81 myń basqa jetti. Bul óz kezeginde olardyń tabıǵı túrde kóbeıýine qolaıly jaǵdaı týdyryp otyr»,- dedi A. Kúrishbaev.
