Respýblıkada aq qan dertine shaldyqqan jetkinshekterge donorlyq qan jınalýda

ASTANA. 31 mamyr. QazAqparat - Astanada «Seniń kúniń, donor!» atty aktsııa aıasynda aq qan dertine shaldyqqan jetkinshekterge 200 lıtrden astam donorlyq qan jınaldy.

Bul týraly búgin QazAqparat tilshisine «Ómir tamshysy» qoǵamdyq birlestiginiń basqarma tóraǵasy Natalıa Melnıkova málim etti.    

«Baýyrjan» qoǵamdyq qorynyń jáne «Ómir tamshysy» qoǵamdyq birlestiginiń uıymdastyrýymen 10 mamyr kúni Almatyda «Seniń kúniń, donor!» atty aktsııa bastady. Atalmysh qor bul sharany birinshi jyl uıymdastyryp otyrǵan joq. Alaıda ol buryndary tek Almaty qalasynyń aıasynda ǵana ótkizilip otyrdy. Bıyl shara respýblıka boıynsha qolǵa alynýda. Bizdiń maqsatymyz aq qan dertine shaldyqqan balalarǵa 1 myń lıtr donorlyq qan jınaý», - deıdi ol.

Bıyl bul ıdeıaǵa Astana, Almaty, Qaraǵandy, Pavlodar, Óskemen, Semeı, Aqtóbe qalalary da belsene aralasyp ketti.

«Astanada aktsııa erteń támamdalady. Osy aralyqta 200 lıtrge taıaý donorlyq qan jınaldy, Aqtóbe oblysynda 400 astam lıtr alyndy», - dep atap kórsetti N. Melnıkova.

Onyń aıtýynsha, aq qan aýrýyna dýshar bolǵan balalar úshin donorlyq qan kúndelikti emi úshin asa qajet materıal. Keıde onyń jetispeýshiliginen olardyń em-domy toqtap qalady.