Respýblıkada 29 019 shaǵyn sý kemesi tirkeldi - Arlan Zakarıanov
ALMATY. 11 shilde. QazAqparat /Erlik Erjanuly/ - Qazaqstanda 1 shildege deıin Kóliktik baqylaý komıtetinde tirkelgen shaǵyn kólemdi sý kemeleriniń 17223-i ózi júretin, al 11 796-sy ózi júrmeıtin kólikter.
Bul týraly Kóliktik baqylaý komıtetiniń sý kóligindegi baqylaý basqarmasynyń bas sarapshysy Arlan Zakarıanov búgin Almatyda ótken baspasóz máslıhatynda aıtty.
"Almaty oblysy men Almaty qalasynda tirkelgen 5664 sý kemeleriniń 5011-i ózi júretin, 663-i ózi júrmeıtin kólik. Onyń ishinde Almatyda 2773 shaǵyn kólemdi sý kemeleri bar. Alǵashqy jarty jyldyqta ótken jyldyń sáıkes merzimimen salystyrǵanda shaǵyn kólemdi sý kemeleri 10 paıyzǵa ósip, 2,5 myńǵa ulǵaıdy. Al 2001 jyldan beri olardyń sany 3 esege ósti", - deıdi Arlan Zakarıanov. Onyń aıtýynsha, shaǵyn kólemdi sý kemeleriniń kóbeıýimen birge olardyń qatysýymen bolatyn kólik oqıǵalary da arta túsýde. Jyl saıyn Kólikitk baqylaý komıtetinde qaýip-qaterdiń aldyn alýǵa jáne ony eskertýge baǵyttalǵan arnaıy is-sharalar ótedi. Ol júzý maýsymy bastalǵannan keıin barlyq demalys oryndaryn qamtıdy.
