«Respýblıka» JZQ salymshylary shottaryn SMS arqyly teksere alady
ALMATY. Qańtardyń 19-y. QazAqparat /Erbol Azanbek/ - «Respýblıka» jınaqtaýshy zeınetaqy qory salymshylardyń esep-shottarynyń jaǵdaıy týraly onlaın habarlama jiberý qyzmetin iske qosty,
dep habarlaıdy QazAqparat.
Bul qyzmet qańtardyń 18-nen bastap elimizdiń barlyq aýmaǵynda qoljetimdi ári tegin. Qyzmettiń ereksheligi - árbir salymshy uıaly teefon arqyly zeınetaqy qoryndaǵy óz shotynyń jaǵdaıyn jyl saıyn Internet jelisi arqyly bile alady.
«Uıaly telefonǵa SMS arqyly esep-shot týraly jazba bar Internet resýrstyń meken-jaıy keledi. Salymshy ınternet resýrsqa kirip, logın men qupııa sózin engizý arqyly jazba úzindini kóshirip alýyna bolady. Logın men parol zeınetaqy kelisimin jasaý kezinde beriledi», deıdi «Respýblıka» JZQ basqarma tóraǵasynyń orynbasary Tımýr Izembaev. Onyń aıtýynsha, óz shotyn ınternet jelisi arqyly tekseretinderdiń sany búginde salymshylardyń 20 paıyzyna jýyq. Zeınetaqy qorynyń ókilderi bolashaqta árbir túsimdi salymshylarǵa SMS pen e-mail arqyly jiberý qyzmetin engizgeli otyr.
