Respýblıka joldarynyń 22 bóliginde erigen qar sýy jaıyldy
ASTANA. QazAqparat - Respýblıkanyń 22 avtokólik joly bóligin erigen qar sýy basty. Bul týraly QR ІІM TJ komıtetiniń baspasóz qyzmeti jibergen 2017 jyldyń 25 sáýirindegi sý tasqyny jaǵdaıy týraly aqparatta habarlandy.
Qostanaı oblysynda 9 aýmaqta qyzyl sý jaıylǵan, Qaraǵandy oblysynda - 4, Soltústik Qazaqstan oblysynda - 5, Aqmolada - 2, Ońtústik Qazaqstan oblysynda - 1 jáne Shyǵys Qazaqstan oblysynda - 1.
25 avtomobıl jolynyń bólikterinde jol jabyny shaıylǵan: Qaraǵandy oblysynda - 9, Aqmola oblysynda - 7, Qostanaı oblysynda - 4, Pavlodar oblysynda - 2, Soltústik Qazaqstan oblysynda - 2, Shyǵys Qazaqstan oblysynda - 1.
Qaraǵandy oblysy Qarqaraly aýdanynda «Búrkitti-Saýmalkól» temir jol aralyǵynyń 166 shaqyrymynda temir jol jabynyn sý basty.
Boljamdyq qyzmetterdiń derekterine súıensek, jaqyn kúnderi Shyǵys Qazaqstan oblysynyń ózenderinde kóktemgi sý tasqyny, sý deńgeıiniń kóterilýi kútilýde.
