Respýblıka joldaryndaǵy tártip nyǵaıyp keledi - QR ІІM Jol polıtsııasy komıteti
ASTANA. 13 mamyr. QazAqparat - Respýblıka joldaryndaǵy tártip nyǵaıyp keledi. Bul týraly búgin Іshki ister mınıstrligi Jol polıtsııasy komıteti habarlady.
Atalmysh komıtettiń respýblıka joldaryndaǵy jaǵdaıǵa qatysty júrgizgen saraptaý jumystarynyń málimetteri boıynsha, bıylǵy jyldyń 4 aıynda respýblıkada 2 myń 572 jol-kólik oqıǵalary oryn alǵan. Onda 536 adam mert bolyp, 2 myń 889 adam túrli dárejedegi dene jaraqattaryn alǵan. Ótken jyldyń sáıkes merzimimen salystyrǵanda, jol-kólik oqıǵalarynyń sany - 7,7 paıyzǵa, osy oqıǵalar kezinde mert bolǵandar - 13,3 paıyzǵa, jaraqat alǵandar 9,6 paıyzǵa kemigen. Sondaı-aq bıylǵy jyldyń 4 aıynda 670 quqyq buzý áreketteri oryn alyp, mas kúıinde kólik júrgizgen 17 myń júrgizýshi ustalǵan.
