Respýblıka joldaryndaǵy aǵymdaǵy jaǵdaı
ASTANA. 3 naýryz. QazAqparat - Aýa raıynyń qolaısyzdyyna, atap aıtqanda, qar, boran jáne jol kórinisiniń shekteýligine baılanysty eldiń eki óńirindegi joldarǵa shekteýler engizildi.
Bul týraly «Qazavtojol» RMK-dan habarlady.
Máselen, Aqmola oblysynda 28 aqpan kúni saǵat 16.00-den bastap kóliktiń barlyq túrleri úshin «Astana-Petropavl» avtojolynyń 18-232 shaqyrymyndaǵy «Astana qalasy - Şýchınsk» aralyǵyna engizilgen shekteýler áli de óz kúshinde.
Shyǵys Qazaqstan oblysynda kóliktiń barlyq túrleri úshin 1 naýryzdan bastap "Óskemen-Rıdder-RF shekarasy" avtojolynyń 105-191 shaqyrymyndaǵy «Rıdder-RF shekarasy» aralyǵyna jáne «Óskemen-Shemonaıha-RF shekarasy» kúre jolynyń 105-123 shaqyrymyndaǵy «Shemonaıha -RF shekarasy» aralyǵyna engizilgen tyıymdar alynǵan joq.
Sondaı-aq búgin, 3 naýryz kúni kelesi jol ýchaskelerimen qozǵalys shekteldi:
saǵat 01.00 bastap «Almaty-Óskemen» 977-1075 shaq., Qalbataý-Q.Qaısenov aralyǵy;
03.03.2013 j. saǵat 05.00 bastap «Óskemen-Semeı» 9-198 shaq., Gerasımovka-Semeı aralyǵy;
03.03.2013 j. saǵat 05.30 bastap «Semeı-RF shekara» 2-113 shaq;
03.03.2013 j. saǵat 05.30 bastap «Semeı-Qaınar» 0-284 shaq;
03.03.2013 j. saǵat 12.00 bastap "Omby-Maıqapshaǵaı" 756-906 shaq, Semeı-Qalbataý.
Atalǵan joldarda avtokólikterdiń úzdiksiz jol qozǵalysyn qamtamasyz etý maqsatynda «Qazaqavtojol» RMK-nyń JPB (Jol paıdalaný bólimshesi) arnaıy qar tazalaý tehnıkalary kezekshilikke shyqty.
«Qazaqavtojol» RMK-da avtomobıl joldarynyń jabylǵan ýchaskeleri jóninde halyqty habardar etý úshin táýlik boıy dıspetcherlik qyzmet jumys isteıdi: Astana qalasynda 8 (7172) 444-777 telefony arqyly málimet alýǵa bolady.
