Respýblıka jastary soǵys ardagerlerine arnalǵan «Erlik dańqy óshpeıdi» atty aktsııany bastady
dep habarlaıdy QazAqparat.
Qazaqstan jastarynyń kongresi bastamasymen jáne birqatar jastar uıymdarynyń atsalysýymen ótkeli otyrǵan bir aılyq sharanyń búgin Astanada tusaýy kesildi. Uıymdastyrýshylardyń aıtýynsha, aktsııanyń negizgi maqsaty - soǵys ardagerlerine qurmet kórsete otyryp, árbir jańa atqan beıbit kúnder úshin olarǵa qýanysh pen shattyq syılaý.
2010 jyldyń eń basty oqıǵasy - Uly Jeńistiń 65 jyldyǵy. Bul mereke respýblıkalyq, halyqaralyq deńgeıde atalyp ótetini belgili. Jeńis kúni qarsańynda, sáýirdiń 9-y men mamyrdyń 9-y aralyǵynda bolatyn «Erlik dańqy óshpeıdi» atty aktsııanyń da buǵan qosar úlesi aýqymdy bolmaq. Jospar boıynsha Astana, Almaty jáne el aımaqtarynda 33-ke tarta shara uıymdastyrylady. Atap aıtqanda, sporttyq jarystar, pikirsaıys týrnırleri, ardagerlermen kezdesý, delfıılik oıyndar, flesh-mob aktsııalary, avtosherý, kontsertter men qaza tapqan maıdangerlerdiń alleıalaryna gúl shoqtaryn qoıý sharalary belgilengen.
«Aktsııa jastardyń ardagerlerdi úlgi tutyp, boılaryna patrıottyq sezimniń qalyptasýyna birden bir septigin tıgizetinine tolyqqandy senemiz», deıdi «Qazaqstan jastarynyń kongresi» birlestiginiń basshysy Nurlan Sydyqov.
