Respýblıka sottarynyń jumys sapasy onlaın-anketalar arqyly anyqtaldy

ASTANA. QazAqparat - Joǵarǵy Sot «100 naqty qadam» Ult Josparynda kózdelgen qazaqstandyq sottardaǵy reformalardy júzege asyrý barysy men aǵymdaǵy nátıjelerine azamattardyń qanaǵattaný deńgeıin anyqtaý maqsatynda protsesiniń qatysýshylary men «Sot kabıneti» servısiniń basqa da paıdalanýshylary arasynda online-anketa júrgizdi.

Saýalnama aǵymdaǵy jyldyń 4 sáýirinen 4 maýsymǵa deıingi merzimdi qamtıdy. Onda 16,5 myń respondent qatysty. Olardyń ishinde talap qoıýshylar - 44,4 %, jaýapkerler - 6,9 %, memlekettik organ ókilderi - 5,5 %, advokattar - 4,7 %, prokýrorlar 0,4 %, jaýaptylyqqa tartylatyn tulǵalar - 1 % jáne elektrondyq servıstiń basqa da paıdalanýshylar - 37,2 %.

Respondetterdiń eń kóp sanyn Ońtústik Qazaqstan oblysy kórsetti, onda 2,3 tyń tulǵa qatysqan (bul saýalnama jasalǵandardyń jalpy sanynyń 13,8%-y), Shyǵys Qazaqstan oblysy - 1,9 myń (11,3%), Almaty qalasy - 1,7 myń (10,3 %) jáne Qarǵandy oblysy - 1,3 myń.     

Saýalnama nátıjesi Respýblıka sottarynyń jumys sapasyna azamattardyń qanaǵattanýynyń joǵary sapasyn kórsetti, ol 74,4 %-dy quraıdy.

Al 2015 jyly BUUDB qatysýymen ótkizilgen táýelsiz áleýmettik zertteý qorytyndysy boıynsha  bul kórsetkish 71,3% quraǵan bolatyn.

2016 jyly saýalnamaǵa qatysqan jalpy tulǵalardyń sanynan respondetterdiń 87%  sot tóreligine aqparattyq tehnologııalardyń engizilýi nátıjesinde qoljetimdi boldy dep sanaıdy, 81,2% - sottardyń ashyqtyǵynyń jaǵdaıy qanaǵattandyrylǵan, 77,3%  - sot satylarynyń qysqartylýyna oń baǵa bergen, 73,4% - sýdıalardyń  shynshyl jáne táýelsiz ekendigin belgilegen, 75,1% - sýdıalardyń  isterdi durys sheshýge kásiptengen dep sanaıdy. Sonymen qatar, 79,3% sýdıalardyń ádeptiligi men  tártip mádenıettiligi qoıylǵan talaptarǵa sáıkes keletindigin eskergen, 87,4 %  sottarda dybys, beıne jazba quralynyń qoldanylýy isterdi qaraý sapasyn joǵarylatty dep esepteıdi.

Saýalnamaǵa jaýap bergenderdiń basym kópshiligi Ońtústik, Soltústik jáne Batys Qazaqstan oblystarynyń jumysyn baǵalanǵan.

Suraý barysynda respondetter  sottardyń jumystaryn jaqsartý boıynsha ózderiniń usynymdary men eskertpelerin bildirgen.  Barlyǵy 3,1 myń ótinish tústi, barlyq jaýaptar «Sot kabıneti» servısine ornalastyryldy.

Barlyq túsken ótinishter saralandy,  birqatar olqylyqtar joıyldy. Búgingi kúni  sýdıalarǵa úmitkerlerdi  tańdaý, sýdıa laýazymyna úmitkerlerdiń jasyn ulǵaıtý, sýdıalardyń qajettiligine baǵa berý  týraly usynymdar oryndaldy.

Qoldanystaǵy zańnamalardy ózgertý, sot protsesterin uıymdastyrý,  sot qyzmetkerleriniń ádeptiligi,  keńse jumysy jáne sottarda aqparattyq tehnologııalardy qoldaný, sot ǵımarattarynyń  jaılylyǵyn jaqsartý, «Sot kabıneti» servısin jandandyrý,  dybys, beıne jazba quralynyń   kedergisiz jumys isteýi,  sottarda  dybyskonferentsııa baılanysyn engizý,  qashyqtyqtan sot  otyrystaryn ótkizý jumystary iske asyrylýda.

Oń únqatýlar, sot júıesine  engizilip jatqan jańa reformalar úshin alǵys bildirilgen jazbalar da túskendigin atap ótken jón.