Respýblıka sottaryna saılaý úderisterine qatysty 28 aryz-shaǵymdar túsken - Bas prokýratýra
ASTANA. 29 jeltoqsan. QazAqparat /Qanat Mámetqazyuly/ - Respýblıka sottaryna saılaý úderisterine qatysty 28 aryz-shaǵymdar túsken.
Bul týraly QR Bas prokýratýrasy taratqan Parlament Májilisi depýtattary men máslıhat depýtattarynyń saılaýy barysyndaǵy zańdylyqtyń saqtalýy týraly sholý materıalynda aıtyldy.
«29 jeltoqsan 2011 jylǵy jaǵdaı boıynsha prokýratýra organdarymen jalpy alǵanda 15 aldyn ala eskertý jarııalandy jáne tyıym salynǵan kezeńderde úgit-nasıhat júrgizý faktileri jáne saıası partııalar týraly jalǵan málimet taratý boıynsha QR Ákimshilik quqyq buzýshylyq kodeksiniń 99 jáne 100 baptaryna sáıkes 2 ákimshilik quqyq buzýshylyq óndirisi qozǵaldy», - delingen taratylǵan málimetterde.
Budan bólek, málimetterge qaraǵanda respýblıka sottaryna saılaý úderisterine qatysty 28 shaǵym-aryzdar túsken, onyń 2-eýi Parlament Májilisi depýtattarynyń saılaýyna qatysty bolsa, 26-sy máslıhat depýtattarynyń saılaýy jóninde bolyp otyr. 5 azamattyq is qaralyp, sheshim shyǵarylǵan, onyń 2-eýine talaptar qanaǵattandyrylsa, 3-eýine bas tartyldy.
