Respýblıka Senatyna saılaý joǵary deńgeıde ótedi - Májilis tóraǵasy
TANA. 18 tamyz. QazAqparat /Marlan Jıembaı/ - Respýblıka Senatyna saılaý joǵary deńgeıde ótedi, dedi búgin QR Parlamenti Májilisiniń tóraǵasy Oral Muhamedjanov elimizdegi Senat depýattaryn saılaýǵa baqylaý jasaýǵa kelgen TMD Parlamentaralyq assambleıasy baıqaýshylar mıssııasymen kezdesýi barysynda.
«Senat saılaýyn TMD-niń 8 memleketinen 68 baıqaýshy qadaǵalaıdy. Sonymen qatar ártúrli elderden 181 buqaralyq aqparat ókilderi qatysady. Menińshe, osynyń barlyǵy Senat saılaýyna aıtarlyqtaı joǵary deńgeı beredi», - dedi ol.
Sonymen qatar Májilis tóraǵasy Senatqa usynylǵan kandıdattardyń basym bóligi ózin-ózi usynǵan. Olardyń qatarynda qazirgi Senattyń 7 depýtaty da bar.
Óz kezeginde TMD PA baıqaýshylar mıssııasynyń basshysy Vadım Gýstov O.Muhamedjanovqa mıssııanyń elimizde bir aı boıy júrgizgen monıtorınginiń qorytyndylary qamtylǵan aralyq esebin tabys etti.
