Respýblıka saraıy mańyn abattandyrý jumysy 10 qazanda aıaqtalady
MATY. 29 qyrkúıek. QazAqparat /Erlik Erjanuly/ - Almatydaǵy 1970 jyly salynǵan Respýblıka saraıyndaǵy qaıta jóndeý jumystary kestege saı júrip jatyr.
Bul jaıly keshe qala ákimi Ahmetjan Esimovtiń qurylys jumystarynyń barysymen tanysýy kezinde aıtyldy. Shahar basshysynyń baspasóz qyzmetiniń habarlaýynsha, A. Smaǵululy merdigerlerden tenderlik mindettemelerdi múltiksiz oryndaýdy talap etip, barlyq jumystar der kezinde ári sapaly atqarylýy tıis ekendigin eskertken.
Áıgili mádenıet nysanynyń qazirgi tańda qabyrǵalary men irgetasynyń seısmıkalyq beriktigi nyǵaıtylyp, ǵımarattyń ishki qurylysy júrgizilýde. Qabyrǵalardy, baspaldaqtardy granıtteý, qabyrǵalar men tóbelerdi dekoratıvti árleý, oryndyqtardy montajdaý jumysy da talapqa saı júrýde, Nysannyń aınalasyn abattandyrý jumysy 10 qazanda aıaqtalady. Búgingi tańda qorshaýlardy, atrıýmdardy, metall konstrýktsııalary men jaryq kózderin montajdaý jumystary júrip jatyr. Kórermen zalyndaǵy jumystar 25 qarashada, al sahnanyń joǵary mehanıkasy 28 qarashada aıaqtalyp, paıdalanýǵa berilmek.
V.Lenınniń 100 jyldyǵy qarsańynda ashylǵan Respýblıka saraıyna keńestik kompartııa kóseminiń esimi berildi. Al onyń sáýletshileri - V. Alle, V. Kım, ıÝ. Ratýshnyı, N. Rıpınskıı, A. Sokolov, L. Ýhobotov jáne taǵy basqalary 1971 jyly KSRO Memlekettik syılyǵyn ıelendi. 40 jyl boıy birde-bir ret kúrdeli jóndeý jumysy júrgizilmegen bul nysan respýblıkadaǵy eń úlken saraı bolatyn. 3 myń kórermenge arnalǵan mádenıet nysanynda eń iri respýblıkalyq kongrester, konferentsııalar, saltanat keshteri men kontsertter ótetin. Endi Táýelsizdik merekesi kezinde ol óz jumysyn qaıta jalǵastyratyn bolady.
