Respýblıka saraıy qaıta jóndeýden keıin barlyq zaman talaptaryna saı bolady
ALMATY. Qazannyń 15-i. QazAqparat /Názıra Eleýhan/- Búgin Almatyda qala ákimi Ahmetjan Esimov Respýblıka saraıynyń jumys barysymen tanysty.
"Qazirgi ýaqytta sahna men zaldyń tóbesine demontaj jasaldy. Qoldanylýǵa keletin qural jabdyqtar men óńdeý materıaldary demontajdan soń áleýmettik nysandarǵa jiberiletin bolady. Qazirgi ýaqytta kontserttik zal men vestıbıýl ıntererin jaqsartýǵa arnalaǵan suraqtar sheshilýde. Sonymen qatar, qazir baǵanalar men ǵımarat tóbesin bekitý máseleleri qaralyp jatyr. Respýblıka saraıy qaıta jóndeýden keıin barlyq zaman talaptaryna jaýap beretin bolady", - dedi qala ákimi Ahmetjan Esimov.
Qala basshysynyń aıtýynsha, 300 avtokólikke arnalǵan Saraı aldyndaǵy turaq qaıta jasalynatyn bolady.
Ol sonymen qatar, Saraı aldynyń ádemi bolýyn oılastyrý qajet dep aıtty.
Esterińizge sala ketsek, Respýblıka saraıynyń qurylysy 2011 jyldyń aıaǵynda bitedi dep josparlanǵan. Saraı 40 jyldan beri jóndeýden ótpegen.
