Respýblıka óńirlerinde jer úılerde bolǵan órtter bes er adamnyń ómirin qıdy
ASTANA. 21 jeltoqsan. QazAqparat - Keshe saǵat 02.33-te Shyǵys Qazaqstan oblysy Shemonaıha qalasynda eki páterli jekemenshik turǵyn úıde órt boldy.
Jalyn bir jarym saǵattan keıin sóndirildi.
Tilsiz jaýdy aýyzdyqtaýǵa QR TJM Shyǵys Qazaqstan oblysy boıynsha TJD órtke qarsy qyzmetiniń 4 adamy men 1 tehnıkasy jumyldyryldy. Jalyn sharpyǵan aýmaq úsh sharshy metrdi qurady. Órt ornynda er adamnyń múrdeleri tabyldy.
Sondaı-aq Aqmola oblysynyń Jaqsy aýylynda saǵat 13.20-da taǵy bir jekemenshik turǵyn úı jalynǵa orana bastady. Órt QR TJM Aqmola oblysy boıynsha TJD órtke qarsy qyzmetiniń 3 adamy men 1 tehnıkasynyń kúshimen jarty saǵatta aýyzdyqtaldy. Tilsiz jaý úsh sharshy metrge tarady. Qutqarýshylar oqıǵa ornynda 45 jáne 48 jastardaǵy eki er adamnyń máıitterin tapty.
19 jeltoqsan saǵat 23.12-de Batys Qazaqstan oblysynyń Rýbejınskoe kentindegi jer úıde iri órt boldy. Ol kelesi kúni saǵat 07.42-de sóndirildi. Tilsiz jaýdy aýyzdyqtaýǵa QR TJM Batys Qazaqstan oblysy boıynsha TJD órtke qarsy qyzmetiniń 6 adamy men 2 tehnıkasy jumyldyryldy. 78 sharshy metr aýmaqqa taraǵan órt ornynda 62 jáne 36 jastardaǵy eki er adamnyń deneleri tabyldy.
