Respýblıka óńirlerinde jańa úlgidegi memlekettik nómirler berile bastady
ASTANA. 29 qańtar. QazAqparat - Astana, Almaty qalalarynda jáne Pavlodar men Aqtóbeden basqa barlyq oblys ortalyqtarynda kólik quraldarynyń jańa úlgidegi memlekettik nómirleri berile bastady, dep habarlady QR ІІM Jol polıtsııasy komıtetinen.
Bul týraly Ortalyq kommýnıkatsııa qyzmetinen málim etti.
Buǵan deıin habarlaǵandaı, jańa úlgidegi memlekettik tirkeý nómirlik belgileriniń dızaıny Qazaqstan Respýblıkasynyń 2009 jyldyń 31 tamyzyndaǵy Zańymen ratıfıkatsııalanǵan BUU Konventsııasynyń jol qozǵalysy týraly talaptaryna sáıkes jasalyp otyr.
Endi qazaqstandyq avtojúrgizýshiler halyqaralyq qozǵalysqa qatysý barysynda eshqandaı qıynshylyqtarǵa kezdespeıdi. Sebebi jańa memlekettik nómirlerde halyqaralyq sáıkentendirý belgisi qarastyrylǵan.
«Búgingi tańda 100 myńnan astam memlekettik nómirlik belgi kesheni berildi. Jańa úlgidegi nómirler burynǵydaı arnaıy baǵdarlamanyń kómegimen avtomatty túrde beriledi», delingen Komıtettiń habarlamasynda.
Jańa nómirler kólik quraldaryn tirkeý jáne qaıta tirkeý kezinde berilýde. Tirkeý nómiri úshin tólenetin baj salyǵy ózgergen joq.
