Respýblıka óńirlerinde shyqqan órtten úsh er adam qaza tapty
ASTANA. 16 jeltoqsan. QazAqparat - Respýblıka óńirlerinde shyqqan órtten úsh er adam qaza tapty. Bul týraly QR TJM baspasóz qyzmetinen habarlaıdy.
Aqmola oblysy Şýchınsk qalasyndaǵy turǵyn úıden órt shyqty. Órtti aýyzdyqtaýǵa QR TJM Aqmola oblysy boıynsha TJD jeke quramynyń 11 adamy jáne órt sóndirý qyzmetiniń 2 tehnıkasy jumyldyryldy. Tilsiz jaý 60 sharshy metr aýdandy sharpydy. Órt bolǵan jerden belgisiz adamnyń múrdesi tabyldy (jeke bas málimetteri anyqtalýda).
Qostanaı oblysy Rýdnyı qalasynda saıajaıdaǵy úı órtendi. Órtti aýyzdyqtaýǵa QR TJM Qostanaı oblysy boıynsha TJD jeke quramynyń 8 adamy jáne órt sóndirý qyzmetiniń 2 tehnıkasy jumyldyryldy. Órt bolǵan jerden 32 jastaǵy er adamnyń múrdesi tabyldy.
Pavlodar oblysy Aleksandrovka aýylynda turǵyn úıden órt shyqty. Órt bolǵan jerge órt sóndirý qyzmeti shaqyrylǵan joq. Órtti aýyzdyqtaýǵa Baýyrtal orman sharýashylyǵynyń 5 adamy jáne 2 tehnıkasy, aýyldyq óńirdiń erikti órt sóndirýshilerden qurylǵan 27 adamy jumyldyryldy. Órt 64 sharshy metr aýdandy sharpydy. Oqıǵa saldarynan alynǵan ár túrli deńgeıdegi kúıikten 56 jastaǵy er adam aýrýhanada kóz jumdy.
