Respýblıka óńirlerinde qurylys syrtqy qadaǵalaýsyz júrgizilip jatyr - A. Ótegenov
A. Qańtardyń 25-i. QazAqparat /Qanat Mámetqazyuly/ - QR Qurylys jáne turǵyn úı-kommýnaldyq sharýashylyq isteri agenttigi tarapynan turmysy tómen azamattarǵa turǵyn úı kómegin kórsetýdiń jańa tetigi ázirlendi. Bul týraly búgin QR Parlamenti Májilisinde ótken Úkimet saǵatynda depýtat Amanqos Ótegenov málim etti,
dep habarlaıdy QazAqparat.
«Qazaqstannyń óńirlerinde qurylys úderisiniń barlyq satysy, qurylys kompanııalardy lıtsenzııalaýdan bastap, nysandardy óndiriske engizýge deıingi kezeńniń barlyǵy ákimdikter tarapynan qandaı da bir syrtqy qadaǵalaýsyz júrgizilip jatyr. Jalpy, «Qazaqstandaǵy sáýlet, qala qurylysy jáne qurylys qyzmeti týraly» zańǵa sáıkes bundaı baqylaý qyzmetin QR Qurylys jáne turǵyn úı-kommýnaldyq sharýashylyq isteri agenttigi júrgizý tıis edi. Biraq, Agenttiktiń óńirlerdegi ókildikteriniń bolmaýyna baılanysty ondaı baqylaý, qadaǵalaý jumystary júrgizilmeıdi. Máselen, Agenttiktiń shtatyndaǵy 6 adamnan turatyn ınspektorlar respýblıkadaǵy 400-den astam nysandardyń qurylys sapasyn qadaǵalaýdy áreń júzege asyra alady. Nátıjesinde, óńirlerdegi qurylystar úderisi esh qadaǵalanýsyz atqarylyp otyr. Bulaı kete berse, qurylystan qandaı sapany kútýge bolady», dedi depýtat.
Osyǵan oraı, A. Ótegenov Úkimettiń Qurylys agenttigi qurylymyn kúsheıtýge qatysty jedel sharalardy júzege asyrýy qajettigin alǵa tartty. «Agenttik ózine júktelgen qadaǵalaý qyzmetterin tolyq júzege asyrýy, óńirlerden ókildikterin ashýy shart», dedi ol.
